გახსნის კვირეული
ფოტოგრაფიის ღამე


სექტემბერი 2014
 
ENG GEO
შემოგვიერთდით
მთავარი ფესტივალი ისტორია გალერეა თბილისის ფოტო ფესტივალი 2013 ინფო თბილისზე კონტაქტი
 
გამოფენები
 
Tbilisi Photo Festival – 5 წლის! Tbilisi Photo Festival 5 წლის იუბილეს განსხვავებული ფორმატით აღნიშნავს. ტრადიციული გახსნის კვირეულის მაგივრად, 5 წლის წინ, მაისის თვეში შექმნილი პირველი საერთაშორისო ფოტო ფესტივალი საქართველოში, რომელიც პრესტიჟული ფრანგული ფოტო ფესტივალის “არლის შეხვედრები” მხარდაჭერით შეიქმნა, 2014 წელს სოციალურ პროექტზე აკეთებს ფოკუსირებას. პროექტის ფარგლებში, 29 მაისს 19.00-ზე, გ. ლეონიძის სახელობის ქართული ლიტერატურის სახელმწიფო მუზეუმში გაიხსნება ბრიტანელი ფოტოგრაფის, მაგნუმის სააგენტოს წევრის და ამჟამინდელი პრეზიდენტის, თანამედროვე ფოტოგრაფიის მეგა ვარსკვლავის მარტინ პარის და ლიტველი ფოტოგრაფის რიმალდას ვიკსრაიტისის ერთობლივი გამოფენა “ნამდვილი სამყარო”. ასევე თბილისის ფოტო ფესტივალის სოციალური პროექტის ფარგლებში, გამოფენის პარალელურად, რომელიც 14 ივნისამდე გაგრძელდება, ჩატარდება ფოტო ვორქშოფი, რომელიც 3 დღის განმავლობაში (30, 31 მაისი და 1 ივნისი) შეზღუდული შესაძლებლობების მქონე პირებს შესაძლებლობას მისცემს დაეუფლონ ფოტოგრაფიის საფუძვლებს. ამ ტიპის ვორქშოფი პირველად იმართება საქართველოში. ვორქშოფის მენტორია ლიტველი ფოტოგრაფი რიმალდას ვიკსრაიტისი. ასევე პროექტის ფარგლებში იგეგმება ეტლით მოსარგებლეთათვის ლიტერატურის მუზეუმის ცენტრალურ შესასვლელთან პანდუსის დამონტაჟება, რაც ლიტერატურის მუზეუმს იმ შემაშფოთებლად მცირერიცხოვანი საზოგადოებრივი სივრცეების რიგშიდ დაყენებს, რომლებიც თბილისში ეტლით მოსარგელეთათვის არის ხელმისაწვდომი. პროექტის ფარგლებში გადაღებული ფოტოები იმ მულტიმედიური პროექტის და დოკუმენტური ფილმის ნაწილი გახდება, რომელიც აღბეჭდავს ვორქშოფის მიმდინარეობის 3 დღეს. ფილმის გადაღება თბილისის ფოტო ფესტივალის და “რადიო თავისუფლების” პარტნიორობის საფუძველზე მოხდება. ვორქშოფის ფარგლებში თეორიული და პრაქტიკული სამუშაოების გარდა დაგეგმილია მოგზაურობა აღმოსავლეთ საქართველოში, გასეირნება და გადაღება ძველ თბილისში, ვიზიტები გამოფენებზე და კინოგადაღებებზე (მათ Oშრის ერთ-ერთი ყველაზე პოპულარული ქართული ტელე სერიალის). შეზღუდული შესაძლებლობების მქონე ლიტველი ფოტოგრაფი რიმალდას ვიკსრაიტისი 1971 წლიდან მუშაობს საავტორო ფოტოგრაფიაში. საერთაშორისო აღიარება მასთან მას შემდეგ მოვიდა, რაც 2008 წელს მარტინ პარმა - ცნობილმა ბრიტანელმა ფოტოგრაფმა ლიტველი კოლეგის ფოტოები აღმოაჩინა და პრესტიჟული ფოტოგრაფიულ პრიზზე წარადგინა. 2009 წელს თანამედროვე ფოტოგრაფიის წრეებში სრულაიდ უცნობი ლიტველი ფოტოგრაფი პრესტიჟული არლის ფესტივალის (საფრანგეთი) სპეციალური პრიზის მფლობელი გახდა. სწაორედ ამის შემდეგ შესთავაზა მარტინ პარმა ლიტველ ფოტოგრაფს ერთობლივ გამოფენაზე “ნამდვილი სამყარო” მუშაობა. თბილისის გარდა გამოფენა კაუნასში და ვენაში გაიმართა 2010 წელს. გამოიცა იგივე სახელწოდების წიგნიც. რიმალდას ვიკსრაიტის მაგალითი სხვა შეზღუდული შესაძლებლობების ადამიანების მოტივირების ბრწყინვალე მაგალითი გახდება და ამ ტიპის პროფესიული ვორქშოფების ჩატარების აუცილებლობას გამოაშკარავებს. შეზღუდული შესაძლებლობების მქონე ლიტველი ფოტოგრაფმა საერთაშორისო აღიარებას სწორედ პროფესიული უნარ ჩვევბის განვითარების და სრულყოფის საფუძველზე მიაღწია. დღეს იგი ლიტვური ფოტოგრაფიის ერთ-ერთ ყველაზე თვითმყოფად ავტორად არის აღიარებული და წარმატებული კარიერა აქვს. ნამდვილი სამყარო /Real World გამოფენა “ნამდვილი სამყარო” თანამედროვე ფოტოგრაფიის მეგა ვარსკვლავის, პრესტიჟული ფოტო სააგენტოს Magnum Photo წევრის და პრეზიდენტის მარტინ პარის და შეზღუდული შესაძლებლობების მქონე ლიტველი ფოტოგრაფის რიმალდას ვიკსრაიტის ერთობლივი პროექტია. გამოფენა, ერთის მხრივ, მარტინ პარის მიერ უკანსკენლი 20 წლის მანძილზე მსოფლიოს სხვადასხვა ქვეყნებში ტურისტების დასასვენებელ ადგილებში გადაღებულ ფოტოებს აერთიანებს (ეს მარტინ პარის ყველაზე ცნობილი ფოტო სერიაა და თანამედროვე ფოტოგრაფიის ერთგავრი “ხატების” ანსამბლს წარმოადგენს); და, მეორე მხრივ, ლიტველი ფოტოგრაფის სულისშემძვრელ ფოტო სერიას, რომელზეც იგი ასევე უკანასკნელი 30 წლის მანძილზე მუშაობს იღებს რა თავისი მშობლიური ლიტვური სოფლის რეალობას. სოფელს და მის ყოფას რიმალდას ვიკსრაიტისი ჯერ კიდევ საბჭოთა პერიოდიდან იღებს. უიმედობის ქაოსში ჩაფლული ადამიანების ყოველდღიურობის დოკუმენტირება რიმალდას ვიკსრაიტისის მთავარი ინტერესისი საგანია. სურეალიზმის ნიშნების მქონე რეალობის “ხატის” შექმნა ლიტველი ფოტოგრაფის არტისტული know how- “რეალური სამყარო” ორივე ფოტო სერია, რადიკალურად განსხვავებილი ესთეტიკის მიუხედავად ერთ ნამდვილ სამყაროს და ამ სამყაროში თანამედროვე ადამიანს აჩვენებს. რომელსაც მარტინ პარი მისთვის ჩვეული ბრიტანული ირონიით აკვირდება ევროპის ტურისტულ კურორტებზე, რიმალდას ვიკსრაიტისი კი თავისი თანასოფლელების ცხოვრების ფირზე აღბეჭდვით ერთგავრ “უიმედობის პასტორალს” ქმნის . Tbilisi Photo Festival 2014-ის სხვა ღონისძიებები ივნისიდან სექტემბრის ჩათვლით გაიმართება თბილისში და საქართველოს სხვა ქალაქებში.
 
Choose Exhibition and see profile >>